Bakı, 21 noyabr, AZƏRTAC

İndoneziyanın Yava adasında bu gün səhər saatlarında baş vermiş zəlzələ nəticəsində 44 nəfər həlak olub, 300 nəfər yaralanıb.
AZƏRTAC xəbər verir ki, bu barədə France Presse agentliyi yerli hakimiyyət orqanlarına istinadla məlumat yayıb. Agentliyin məlumatına görə, ölənlər Qərbi Yava əyalətinin Çiancur rayonunun sakinləridir. Hazırda 7 yaşayış binasına, o cümlədən məktəb, xəstəxana və bir neçə inzibati binaya ziyan dəydiyi məlumdur.
Baş vermiş 5,1 bal gücündə zəlzələnin episentri paytaxt Cakartadan 74 kilometr cənub-şərqdə olub. Avropa-Aralıq dənizi Seysmoloji Mərkəzinin məlumatına əsasən, zəlzələ ocağı 5 kilometr dərinlikdə yerləşib.