Bakı, 21 noyabr, AZƏRTAC

Qida Təhlükəsizliyi Agentliyində və strukturuna daxil olan qurumlarda çalışan bir sıra əməkdaşlara “Antikorrupsiya qanunvericiliyi və onun praktikada tətbiqi” mövzusunda təlim keçirilib.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, təlim “Konstitusiya Araşdırmalar Fondu”nun prezidenti, Açıq Hökumət Platformasının koordinatoru Əliməmməd Nuriyev tərəfindən aparılıb.
Qeyd edək ki, tədbir Prezidentin 2020-ci il fevralın 27-də imzaladığı Sərəncamla təsdiq edilmiş “Açıq hökumətin təşviqinə dair 2020-2022-ci illər üçün Milli Fəaliyyət Planı”na əsasən, korrupsiyaya qarşı mübarizə və etik davranış qaydaları ilə bağlı təlimlərin keçirilməsi məqsədilə təşkil olunub.