Masallıda şəhid qardaşı ilə şəhid bacısının toyu olub
Masallı, 21 noyabr, İlkin Adıyev, AZƏRTAC
Masallı rayonunda Vətən müharibəsi şəhidləri Elmir Akifzadənin bacısı Nigar xanımla Əlimərdan Quluzadənin qardaşı Həmid bəyin toy mərasimi olub.
Toy mərasimində rayon icra hakimiyyəti başçısının müavini, İctimai-siyasi və humanitar məsələlər şöbəsinin müdiri Aybəniz Qafarova, rayonun idarə, müəssisə, təşkilat rəhbərləri, şəhid ailələri, iş adamları, ictimaiyyət nümayəndələri iştirak ediblər.
AZƏRTAC-ın bölgə müxbiri xəbər verir ki, toya dəvət edilən qonaqlar yeni ailə quran gənclərə ən xoş arzularını çatdırıblar.
Toy mərasiminə gələn rayon rəsmiləri, iş adamları, sahibkarlar və xeyriyyəçilər yeni ailə həyatı quran cütlüyə mebel dəstləri, məişət avadanlıqları və müxtəlif hədiyyələr təqdim ediblər.
Çıxışlarda qeyd olunub ki, şəhid ailələri, qazilər və Vətən müharibəsi iştirakçıları Müzəffər Ali Baş Komandan İlham Əliyevin və Birinci vitse-prezident Mehriban xanım Əliyevanın diqqət və qayğısı ilə əhatə olunublar.
Toy şənliyinə rayonun tanınan sənətçiləri, “Halay” folklor qrupu və paytaxtdan təşrif buyuran sevilən ifaçılar xüsusi rəng qatıblar.
Qeyd edək ki, toy şənliyi “Biz birlikdə güclüyük” İctimai Birliyinin təşkilatçılığı ilə təşkil olunub.
Güclü külək Ağstafada bir sıra fəsadlar törədib
İqtisadiyyat nazirinin müavini Naxçıvanda vətəndaşların müraciətini dinləyib
ADSEA sədri Zaqatalada vətəndaşlarla görüşüb
Aqrar Sığorta Fondunun İdarə Heyətinin sədri Göyçayda vətəndaşların müraciətlərini dinləyəcək
Azərbaycan ilə Yaponiya arasında turizm əlaqələrinin perspektivləri müzakirə olunub