İsmayıllı, 20 noyabr, AZƏRTAC
İsmayıllıda avtomobil piyadanı vurub, hadisə faciə ilə nəticələnib.
AZƏRTAC-ın bölgə müxbiri xəbər verir ki, ölümlə nəticələnən hadisə ötən gün axşam saatlarında şəhər ərazisində baş verib. Belə ki, sürücü Arif Mirzəyev idarə etdiyi "Toyota" markalı avtomobillə yolu keçən piyada, 1979-cu il təvəllüdlü Mərdan Əhmədovu vurub. Nəticədə Mərdan Əhmədov aldığı xəsarətlərdən hadisə yerində dünyasını dəyişib.
Faktla bağlı İsmayıllı Rayon Polis Şöbəsində araşdırma aparılır.