Bakı, 16 noyabr, AZƏRTAC

Futbol üzrə Moldova və Azərbaycan milli komandaları arasında keçirilən beynəlxalq yoldaşlıq oyununda hesab açılıb.
AZƏRTAC xəbər verir ki, 2024-cü il Avropa çempionatının seçmə mərhələsinə hazırlıq xarakteri daşıyan matçda Azərbaycan millisi fərqlənib.
Kişineudakı “Zimbru” stadionunda oynanılan matçın 28-ci dəqiqəsində Emin Mahmudov yığmamızı hesabda önə keçirib – 1:0.
Bu, komandalar arasında sayca 12-ci oyundur. Əvvəlki 11 görüşün 2-də Azərbaycan, 4-də Moldova qələbə qazanıb. Beş matçda isə qalib müəyyənləşməyib.
Qeyd edək ki, Azərbaycan millisi noyabrın 20-də isə Şimali Makedoniyanın qonağı olacaq.