Ağırlıqqaldıranımız Ömər Cavadov Ankarada xatirə turnirində gümüş medal qazanıb
Bakı, 16 noyabr, AZƏRTAC
Ankarada üçqat Olimpiya çempionu Naim Süleymanoğlunun xatirəsinə həsr olunmuş ağır atletika üzrə beynəlxalq turnir start götürüb.
AZƏRTAC xəbər verir ki, turnirdə daha iki idmançımız gücünü sınayıb. Bu dəfə körpücük üzərinə “Qartal” klubunun nümayəndəsi İsa Rüstəmov və “Zirvə” beynəlxalq idman klubunun üzvü Ömər Cavadov çıxıblar. Təmsilçilərimiz 73 kiloqram çəki dərəcəsində yarışıblar.
Ö.Cavadov birdən qaldırma hərəkətində 138 kiloqramı ram edib və bu hərəkətdə gümüş medal qazanıb. O, təkanla qaldırma hərəkətində 155 kiloqramı qaldıraraq bu hərəkətdə altıncı, toplam 293 kiloqram (138+155) nəticə ilə isə yekun sıralamada dördüncü yeri tutub.
İ.Rüstəmov 285 kiloqram (130+155) nəticə ilə yarışda altıncı yeri tutub.
Turnirdə 16 ölkədən 72 atlet çıxış edir.
Avropa Liqasında bütün yarımfinalçılar müəyyənləşib
Konfrans Liqası: "Fənərbağça" yarımfinala vəsiqə qazana bilməyib
Konfrans Liqası: Yarımfinala vəsiqə qazanan üçüncü komanda bəlli olub
Avropa Liqası: Yarımfinala vəsiqə qazanan üç komanda bəlli olub