Bakı, 10 noyabr, AZƏRTAC

2024-cü ildə keçiriləcək futzal üzrə dünya çempionatının əsas mərhələsində millimizin rəqibləri olan Yunanıstan və Polşa milliləri Afinada üz-üzə gəliblər.
AZƏRTAC Azərbaycan Futzal Federasiyasına istinadla xəbər verir ki, oyun Polşa yığmasının 4:1 hesablı qələbəsi ilə başa çatıb.
Turnir cədvəlinə aktivində 6 xal olan millimiz başçılıq edir. Polşa yığmasının da 6 xalı var, amma rəqib komandamızla müqayisədə bir oyun çox keçirib.
Qeyd edək ki, millimiz gələn il martın 3-də Bakıda Yunanıstan, 4 gün sonra isə səfərdə Polşa yığması ilə qarşılaşacaq.