UEFA Avropa Liqası: “Qarabağ” – “Frayburq” oyunu azarkeşlərin sayına görə altıncı olub
Bakı, 5 noyabr, AZƏRTAC
UEFA Avropa Liqasının qrup mərhələsində altıncı turun oyunlarını tribunalardan izləyən azarkeşlərin sayı bəlli olub. On altı matçda ümumilikdə 370 mindən çox tamaşaçı iştirak edib.
AZƏRTAC xəbər verir ki, Bakıda "Qarabağ" və Almaniyanın "Frayburq" komandaları arasında keçirilmiş G qrupunun qarşılaşması 6-cı sırada yer alıb. Matçı 30 min 430 azarkeş izləyib.
Ən çox fanat isə "Roma" (İtaliya) - "Ludoqorets" (Bolqarıstan) oyununda qeydə alınıb. İtaliyadakı matçda 60 min 807 azarkeş olub.
Xatırladaq ki, "Qarabağ" qrupdakı sonuncu qarşılaşmada rəqibi ilə 1:1 hesablı heç-heçə edərək Avropa Liqası ilə vidalaşıb. Ağdam klubu Konfrans Liqasının pley-off mərhələsində mübarizə aparacaq.
Bakıda bədii gimnastika üzrə Dünya Kubokunun açılış mərasimi olub
Premyer Liqa: “Sumqayıt” Tovuzda vacib üç xalı qazanıb
FHN-nin qurumları arasında stolüstü tennis üzrə çempionata yekun vurulub
Konfrans Liqası: Türkiyəli futbolçunun vurduğu qol ən yaxşı seçilib