Azərbaycan və Rusiya diasporlarının fəaliyyəti yüksək qiymətləndirilib
Bakı, 31 oktyabr, AZƏRTAC
Oktyabrın 31-də Milli Məclis sədrinin birinci müavini, parlamentin Hüquq siyasəti və dövlət quruculuğu komitəsinin sədri Əli Hüseynli ölkəmizdə səfərdə olan Sankt-Peterburq Qanunvericilik Məclisinin sədri Aleksandr Belskinin rəhbərlik etdiyi nümayəndə heyəti ilə görüşüb.
Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildirilib ki, görüşdə Milli Məclis sədrinin müavini, Gənclər və idman komitəsinin sədri Adil Əliyev, Azərbaycan-Rusiya parlamentlərarası əlaqələr üzrə işçi qrupunun rəhbəri Nizami Səfərov və qrupun üzvü Əminə Ağazadə iştirak ediblər.
Söhbət zamanı Azərbaycanla Rusiya arasında möhkəm əlaqələrin mövcud olduğu bildirilib. Dövlətlərarası münasibətlərin inkişafında parlamentlərarası əlaqələrin rolundan danışılıb. Qeyd olunub ki, hər iki ölkənin qanunverici orqanlarında fəaliyyət göstərən parlamentlərarası əlaqələr üzrə dostluq qruplarının səmərəli əməkdaşlığı təqdirəlayiqdir.
Söhbətdə Azərbaycan parlamentinin Sankt-Peterburq Qanunvericilik Məclisi ilə əlaqələrindən, belə görüşlərin təcrübə və informasiya mübadiləsi baxımından əhəmiyyətindən bəhs edilib.
Fikir mübadiləsi zamanı mədəniyyət, idman, təhsil, turizm sahələrində əlaqələrin inkişafından söhbət açılıb, hər iki ölkədə diasporların fəaliyyəti yüksək qiymətləndirilib.
Söhbətdə tərəfləri maraqlandıran məsələlərdən danışılıb.
Keniyanın Baş naziri Ermənistanın qeyri-konstruktiv addımları barədə məlumatlandırılıb
Azərbaycanın Baş naziri monteneqrolu həmkarı ilə görüşüb
Ceyhun Bayramov UNESCO-nun İcraiyyə Şurasının sədri və Baş direktorunun müavini ilə görüşüb