Üç rübdə Azərkosmos 19,3 milyon ABŞ dolları dəyərində xidmət ixrac edib
Bakı, 31 oktyabr, AZƏRTAC
Cari ilin yanvar-sentyabr aylarında Azərkosmos tərəfindən dünyanın 38 ölkəsinə 19,3 milyon ABŞ dolları dəyərində xidmət (peyk telekommunikasiya xidmətləri və optik peyk xidmətləri) ixrac olunub.
AZƏRTAC İqtisadi İslahatların Təhlili və Kommunikasiya Mərkəzinin “İxrac icmalı”nın oktyabr sayına istinadla bildirir ki, Azərkosmosun xidmət ixracından əldə etdiyi gəlir onun ümumi gəlirlərinin 82 faizidir.
Sentyabrda isə Azərkosmos dünyanın 35 ölkəsinə 2,1 milyon dollar dəyərində xidmət ixrac edib.
Doqquz ay ərzində peyk telekommunikasiya və optik peyk xidmətlərinin ixracının ilk beşliyində isə 5 milyon dollar ilə Birləşmiş Krallıq, 3,9 milyon dollar ilə Fransa, 3,3 milyon dollar ilə Lüksemburq, 1,8 milyon dollar ilə BƏƏ və 1,1 milyon dollar ilə Pakistan qərarlaşıb.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb