Gənclər arasında Avropa çempionatında cüdoçularımız 3 medal qazanıblar
Bakı, 28 oktyabr, AZƏRTAC
Bosniya və Herseqovinanın Sarayevo şəhərində 23 yaşadək gənclər arasında Avropa çempionatına Azərbaycan cüdoçuları uğurla start veriblər.
AZƏRTAC xəbər verir ki, yarışın birinci günündə komandamız 1 qızıl, 2 gümüş medal qazanıb. Qızıl medalı yığmamızın aktivinə oğlanlar arasında mübarizə aparan Nazir Talıbov (60 kq) yazdırıb. Həmin çəki dərəcəsində Kənan İsmayılov və qızların yarışında iştirak edən Könül Əliyeva (48 kq) gümüş medal qazanıblar. Bu nəticə ilə yığmamız ümumi hesabda birinci yeri tutur.
Qeyd edək ki, iki gün davam edəcək yarışda Azərbaycan 14 idmançı (8 oğlan, 6 qız) ilə təmsil olunur.
Avropa çempionatına 40 ölkədən 306 idmançı qatılıb.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir