Misli Premyer Liqası: “Turan Tovuz” – “Sumqayıt” görüşü meydan sahiblərinin qələbəsi ilə yekunlaşıb
Bakı, 28 oktyabr, AZƏRTAC
Bu gün futbol üzrə Azərbaycan Premyer Liqasında XII tura start verilib.
AZƏRTAC xəbər verir ki, turun açılış oyununda “Turan Tovuz” komandası “Sumqayıt”ı qəbul edib.
Tovuz şəhər stadionunda keçirilən görüş meydan sahiblərinin 1:0 hesablı qələbəsi ilə yekunlaşıb. Bölgə təmsilçisinə üç xal qazandıran qolu 88-ci dəqiqədə Şəhriyar Əliyev vurub.
Bu qarşılaşmadan sonra xalların sayını 15-ə çatdıran “Turan Tovuz” altıncı pillədəki yerini qoruyub. Dörd xalı olan “Sumqayıt” isə sonuncu pillədədir.
Qeyd edək ki, turun “Kəpəz” – “Səbail”, “Zirə” – “Neftçi” görüşləri oktyabrın 29-da, “Şamaxı” – “Qarabağ” və “Sabah” – “Qəbələ” oyunları oktyabrın 30-da keçiriləcək.
Ralf Ranqnik “Bavariya”nın baş məşqçisi ola bilər
Veteran stolüstü tennisçilər arasında ölkə çempionatına start verilib
Superliqa klubu tanınmış futbolçunu heyətdən kənarlaşdırıb
“Murov Az Terminal”ın kapitanı: “Neftçi”ni məğlub edərək finala çıxmaq sürpriz deyildi
Azərbaycan Liqası: Çempionluğa iddialı komandalar Mingəçevirdə üz-üzə gələcək