Bakı, 28 oktyabr, AZƏRTAC

Oktyabrın 27-də saat 16 radələrində İsmayıllı rayonunun İvanovka qəsəbəsi ərazisində rayon sakini F.Abdullayev idarə etdiyi “KİA” markalı avtomobili aşırıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, qəza nəticəsində avtomobildəki sərnişinlərdən F.Abdullayevin həyat yoldaşı Fatma hadisə yerində ölüb, sürücü və digər iki sərnişini isə xəstəxanaya yerləşdirilib.
Hadisə ilə bağlı rayon polis şöbəsində araşdırma aparılır.