Bakı, 27 oktyabr, AZƏRTAC

Paytaxt parklarında istirahət edən şəxslərə yaxınlaşaraq özünü polis əməliyyatçısı kimi təqdim edərək pul tələb edən şəxs müəyyən olunub.
Daxili İşlər Nazirliyinin mətbuat xidmətindən AZƏRTAC-a bildiriblər ki, Nərimanov Rayon Polis İdarəsinin 18-ci polis şöbəsi əməkdaşlarının keçirdiyi müvafiq tədbirlərlə 1987-ci il təvəllüdlü Rəsul Əliyev tutularaq məsuliyyətə cəlb edilib.
Onun qanunsuz əməllərindən zərərçəkən başqa şəxslər varsa, bu barədə 102 - Zəng Mərkəzinə, eləcə də rayon polis idarəsinə, yaxud 18-ci polis şöbəsinə müraciət etmələri xahiş olunur.
Faktla bağlı rayon polis idarəsi tərəfindən araşdırmalar davam etdirilir.