×
A
A
A
Sazlamalar

Azərbaycanın müdafiə naziri “Saha Expo” sərgisinin açılış mərasimində iştirak edib

Bakı, 25 oktyabr, AZƏRTAC

Türkiyədə işgüzar səfərdə olan Azərbaycan Respublikasının müdafiə naziri general-polkovnik Zakir Həsənov oktyabrın 25-də İstanbul şəhərində təşkil edilən “Saha Expo” Müdafiə və Aerokosmik sərgisinin açılış mərasimində iştirak edib.
AZƏRTAC xəbər verir ki, general-polkovnik Z.Həsənov sərgidə “Roketsan”, “TUSAŞ”, “HAVELSAN”, “BAYKAR”, “TUALCOM” və “ASELSAN” şirkətlərinin rəhbər heyətləri ilə görüşüb, nümayiş etdirilən müasir silah və döyüş texnikası nümunələri ilə tanış olub.
Qeyd edək ki, sərgidə Türkiyə Respublikasının milli müdafiə naziri Hulusi Akar, eləcə də qardaş ölkənin və digər ölkələrin bir sıra dövlət və hökumət rəsmiləri də iştirak ediblər.

Günel Məlikova
AZƏRTAC-ın xüsusi müxbiri
İstanbul

Ordu 2022-10-25 18:31:00