Bakı, 24 oktyabr, AZƏRTAC

Oktyabrın 23-də saat 1 radələrində Qaradağ rayonunun Sahil qəsəbəsi ərazisində qəsəbə sakini Orxan Həsənov idarə etdiyi “Mercedes” markalı avtomobili aşırıb.
Daxili İşlər Nazirliyinin mətbuat xidmətindən AZƏRTAC-a bildiriblər ki, qəza nəticəsində xəstəxanaya yerləşdirilən sürücü orada ölüb.
Oktyabrın 23-də saat 4 radələrində isə Xətai rayonunun Y.Səfərov küçəsində Abşeron rayon sakini T.İmanov sürdüyü “Toyota” markalı avtomobillə yolu keçən 55-60 yaşlı kişini vurub. Qəza nəticəsində piyada hadisə yerində həlak olub.
Faktlarla bağlı Baş İstintaq və Təhqiqat İdarəsi tərəfindən araşdırmalar aparılır.