Bakı, 22 oktyabr, AZƏRTAC

Cari ilin yanvar-avqust aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 33 milyon 290,5 min ton, yük dövriyyəsi isə 8 milyard 332,8 milyon ton-kilometr olub.
Dövlət Statistika Komitəsindən AZƏRTAC-a bildirilib ki, yüklərin 17 milyon 895,6 min tonu və ya 53,7 faizi avtomobil nəqliyyatı, 10 milyon 975,6 min tonu və ya 33 faizi dəmir yolu nəqliyyatı, 4 milyon 419,3 min tonu və ya 13,3 faizi dəniz nəqliyyatı ilə daşınıb.
Dəhliz vasitəsilə daşınmış yüklərin 27,4 faizini və ya 9 milyon 129,8 min tonunu tranzit yüklər təşkil edib.