ANAMA: Laçın rayonunda baş vermiş mina hadisəsi nəticəsində ağır xəsarət alan şəxs ölüb
Bakı, 22 oktyabr, AZƏRTAC
Oktyabrın 21-də Laçın rayonunun Suarası kəndində minalardan təmizlənməmiş ərazidə piyada-əleyhinə minanın partlayışı baş verib.
Azərbaycan Respublikasının Minatəmizləmə Agentliyinin (ANAMA) mətbuat xidmətindən AZƏRTAC-a bildirilib ki, minalı ərazidə baş vermiş hadisə nəticəsində ağır xəsarət alan 1977-ci il təvəllüdlü Həmidov Elsəvər Sovet oğlu həlak olub. 1977-ci il təvəllüdlü Həsənov Səbuhi Telman oğlu bədənin müxtəlif nahiyələrindən qəlpə yaraları alıb, vəziyyəti qənaətbəxşdir.
ANAMA bir daha vətəndaşları təhlükəli ərazilərə daxil olmamağa, məsuliyyətli və diqqətli davranmağa çağırıb.
“Unutmayın, yanlış atılan hər bir addım həyatınızı itirməyə səbəb ola bilər!”, - deyə məlumatda qeyd olunub.
Samuxda keçmiş məhkumda odlu silah aşkarlanıb
Paytaxtın Bakıxanov qəsəbəsində çoxmərtəbəli binada yanğın olub VİDEO
Sabunçuda ağaclıq ərazidə baş vermiş yanğın söndürülüb