Bakı, 21 oktyabr, AZƏRTAC

Oktyabrın 21-də Laçın rayonunun işğaldan azad edilmiş Suarası kəndi ərazisində iki şəxsin minaya düşməsi ilə bağlı rayon prokurorluğuna məlumat daxil olub.
Rayon prokurorluğundan AZƏRTAC-a bildiriblər ki, ilkin araşdırmalarla həmin ərazidə təmir tikinti işləri aparan Elsevər Həmidov və Səbuhi Həsənovun minaya düşmələri nəticəsində müxtəlif dərəcəli bədən xəsarətləri almaları müəyyənləşdirilib.
Hazırda faktla bağlı Laçın Rayon Prokurorluğunda araşdırma aparılır.