Bakı, 21 oktyabr, AZƏRTAC

Xətai Rayon Polis İdarəsinin 35-ci polis bölməsinə G.Şıxlinski küçəsində yerləşən bir qarajdan 6 min manat dəyərində avtomobil ehtiyat hissələrinin oğurlanması barədə müraciət daxil olub.
Daxili İşlər Nazirliyinin mətbuat xidmətindən AZƏRTAC-a bildiriblər ki, polis əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Bakı şəhər sakinləri, əvvəllər də oğurluğa görə məhkum olunmuş Kamran Vahabov və Elnur Əsgərov müəyyən olunaraq saxlanılıblar.
Faktla bağlı araşdırmalar davam edir.