Nəsimi rayonunda Rövşən Cəfərov küçəsi təmir olunub
Bakı, 11 oktyabr, AZƏRTAC
Avtonəqliyyat vasitələrinin rahat və təhlükəsiz hərəkətini təmin etmək məqsədilə Azərbaycan Avtomobil Yolları Dövlət Agentliyi tərəfindən paytaxtın Nəsimi rayonunda Rövşən Cəfərov küçəsi təmir olunub.
Agentliyin İctimaiyyətlə əlaqələr şöbəsindən AZƏRTAC-a bildirilib ki, ortalama eni 9,5 metr təşkil edən küçənin təmir olunan hissəsinin uzunluğu 550 metrdir. Təmir işləri çərçivəsində köhnə asfalt-beton örtüyü frezlənib, zəruri yerlərdə piyada səkilərinin bərpası, yararsız səki daşlarının yenilənməsi işləri aparılıb. Bu istiqamətdə küçə boyu 130 kvadratmetr sahədə səki bərpa olunub, 60 poqonometr bordür yenilənib.
Daha sonra küçəyə yeni asfalt-beton örtüyü döşənib.
Ekspert: Yaşıl iqtisadiyyatın fəlsəfəsi ekologiyaya zərər vurmadan formalaşmış iqtisadiyyatdır
Fəvvarələr meydanında qanunsuz tikinti işləri dayandırılıb