Bakı, 7 oktyabr, AZƏRTAC
Gömrükçülər narkotik maddə aşkarlayıblar.
Dövlət Gömrük Komitəsinin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, Qərb Ərazi Baş Gömrük İdarəsinin “Mazımqara” gömrük postunun idxal gömrük nəzarəti xəttinə daxil olan “VOLVO” markalı yük nəqliyyat vasitəsi saxlanılıb, avtomobilin sürücüsü şifahi sorğu-sual olunub. Bu zamanı sürücü idarə etdiyi nəqliyyat vasitəsində gömrük nəzarətindən gizlədilən və bəyan edilməyən hər hansı bir predmetin olmadığını bildirib. Daha sonra kinoloji xidməti it tətbiq edilməklə gömrük yoxlaması həyata keçirilib. Xidməti itin reaksiyası ilə nəqliyyat vasitəsində tullantılar qoyulan torbada üzərində yanıq izləri olan kolba aşkarlanıb. Bundan sonra sürücünün üzərində şəxsi yoxlama zərurəti yarandığından yoxlama otağına dəvət olunub və üzərindən ümumi çəkisi 19 qram narkotik vasitə - tiryək və 4 qram narkotik vasitə - marixuana aşkar edilib.
Faktla bağlı araşdırma aparılır.