Mingəçevir Dövlət Universiteti “AzInTelecom”un İnformasiya Təhlükəsizliyi xidmətlərindən yararlanacaq
Bakı, 7 oktyabr, AZƏRTAC
Rəqəmsal İnkişaf və Nəqliyyat Nazirliyinin tabeliyində fəaliyyət göstərən “AzInTelecom” MMC-nin nümayəndələri və Mingəçevir Dövlət Universitetinin (MDU) rəhbərliyi arasında görüş keçirilib.
Nazirlikdən AZƏRTAC-a bildirilib ki, görüş zamanı MDU-nun “AzInTelecom” MMC-nin təqdim etdiyi İnformasiya auditi və konsultasiya xidmətlərindən istifadə etməsi barədə razılıq əldə olunub.
Plana əsasən, “AzInTelecom” MMC-nin İnformasiya təhlükəsizliyi departamentinin əməkdaşları universitetin hazırladığı “Yeni nəsil rəqəmsal universitet” layihəsinə məxsus IT sistemlərini qurumun bulud infrastrukturunda yerləşdirəcəklər.
Həmçinin MDU-nun informasiya resurslarının risklərdən qorunması və ali məktəbin kiberlaboratoriyası ilə “AzInTelecom” MMC-nin kibertəhlükəsizlik komandası arasında əməkdaşlığın yaradılmasına dair razılıq əldə olunub.
Universitet rəhbərliyi tələbələrin “AzInTelecom” MMC-də müvafiq ixtisaslar üzrə təcrübə keçmələrində maraqlı olduğunu ifadə edib. Bununla bağlı da qarşılıqlı razılaşma əldə olunub.
Qeyd edək ki, ölkənin bir çox böyük şirkət və dövlət qurumlarının informasiya resurslarını etibar etdiyi “AzInTelecom” MMC-nin müştəriləri İnformasiya təhlükəsizliyinin auditi və konsaltinqi, Kibertəhlükəsizlik xidmətlərindən istifadə edə bilərlər.
İnformasiya təhlükəsizliyinin auditi və konsaltinqi xidmətinə beynəlxalq standartlara uyğun olaraq siyasət sənədlərinin hazırlanması və risk qiymətləndirilməsinin aparılmasından başlayaraq miqrasiya, yəni təsirlərin azaldılması tədbirlərinin tətbiq edilməsinədək olan bütün addımlar daxildir.
“Azərkosmos” gələn il fevralda keçiriləcək “Beynəlxalq Kosmik Konvensiya 2024”də iştirak edəcək
Ölkənin informasiya təhlükəsizliyi və kibertəhlükəsizliyə dair Strategiyası təsdiq olunub - SƏRƏNCAM
Azərbaycan “Digitalisation and Channel Awards 2023” mükafatlandırılma mərasimində təmsil olunacaq
“Google” şirkətinin Bakı konfransına 1000-dən çox müraciət qeydə alınıb