×
A
A
A
Sazlamalar

Oktyabr “Kibertəhlükəsizlik üzrə maarifləndirmə ayı” kimi qeyd olunur

Bakı, 4 oktyabr, AZƏRTAC

Hər il oktyabr ayı dünyanın bir çox ölkələrində “Kibertəhlükəsizlik üzrə maarifləndirmə ayı” kimi qeyd olunur. Bu çərçivədə cəmiyyətdə kibertəhlükəsizlik sahəsində məlumatlılığın artırılması, vətəndaşlar və şirkətlər arasında kibergigiyena qaydalarının təşviq edilməsi məqsədilə müxtəlif tədbirlər həyata keçirilir.
Rəqəmsal İnkişaf və Nəqliyyat Nazirliyindən (RİNN) AZƏRTAC-a bildirilib ki, RİNN yanında Elektron Təhlükəsizlik Xidməti də “Kiber təhlükənin fərqindəyəm” şüarı ilə silsilə maarifləndirmə tədbirlərinin təşkilini nəzərdə tutur.
Həmçinin Elektron Təhlükəsizlik Xidməti “Kibertəhlükəsizlik üzrə maarifləndirmə ayı” ərzində bütün internet istifadəçilərini sosial şəbəkələrdə #KiberSmartOl, #BeCyberSmart, #CyberSmartAZE, #CyberSecMonth2022 həştəqlərindən istifadə edərək kampaniyaya qoşulmağa çağırır.

İKT 2022-10-04 17:05:00