Tərtər sakinlərinin qaz təchizatına dair problemləri dinlənilib
Bakı, 3 oktyabr, AZƏRTAC
Abonentlərin qarşılaşdığı problemlərin həlli məqsədilə “Azəriqaz” İB-nin Azərbaycanı rayonbarayon gəzən səyyar qəbul otağı həftənin ilk iş günündə Tərtərdə qurulub.
İB-dən AZƏRTAC-a bildirilib ki, aksiyaya ümumilikdə 14 müraciət daxil olub.
Sakinlərdən 5-i fərdi yaşayış evində sonradan ödənişli (mexaniki tipli) qaz sayğacının öncədən ödənişli (smart-kart tipli) qaz sayğacı ilə əvəz edilməsini xahiş edib. Qaz sayğacının yerinin dəyişdirilməsi ilə bağlı ünvanlanan müraciətlərin sayı 4 olub. Müraciətlər siyahısında debitor borcun hissə-hissə ödənilməsinə icazənin verilməsi, qaz xəttinin yerinin dəyişdirilməsi və qapı keçidinin qoyulması kimi istəklər yer alıb.
Hər bir müraciət Birliyin Tərtər Regional Qaz İstismarı İdarəsinin rəhbərliyi tərəfindən cavablandırılıb. Bəzi müraciətlərin araşdırılmasına dair tapşırıq verilib.
Otuza yaxın şəhid övladı Ağbulaq İstirahət Mərkəzində istirahət edib
Qızılhacılı kəndinin sakinləri doğma yurdlarının qaytarılmasının sevincini yaşayırlar
Şəkidə “Şahin” hərbi-idman oyununun zona birinciliyinin qalibi müəyyənləşib
Naxçıvanda 1969-1987-ci illərdə 21 iri sənaye müəssisəsi istifadəyə verilib
Baş Prokurorluq tərəfindən Astara rayonunda təmizlik aksiyası təşkil olunub