Adel əl-Asumi yenidən Ərəb Parlamentinin spikeri seçilib
Qahirə, 1 oktyabr, AZƏRTAC
Misir paytaxtında Ərəb Parlamentinin növbədənkənar sessiyası keçirilib.
AZƏRTAC xəbər verir ki, ərəb ölkələrinin parlamentlərinin 66 nümayəndəsinin iştirak etdiyi iclasın gündəliyində qurumun sədrinin seçilməsi məsələsi olub.
Səsvermədə Ərəb Parlamentinin hazırkı spikeri Adel Əbdülrəhman əl-Asumi nümayəndələrin 51-nin səsini toplayıb. O, yenidən bu quruma sədrlik edəcək. Sessiyada Ərəb Parlamentinin dörd vitse-spikeri də seçilib.
Ərəb Parlamentinin yeni mövsümdə ilk plenar iclası oktyabrın 4-də olacaq. Parlamentarilər komissiyaların tərkibini təsdiq edəcəklər.
Qeyd edək ki, Ərəb Parlamentinin spikerinin başçılıq etdiyi nümayəndə heyəti ötən ilin noyabrında Bakıda keçirilən Qoşulmama Hərəkatının Parlament Şəbəkəsinin təsis iclasında iştirak etmişdi.
G7 ölkələri Ukraynanın hava hücumundan müdafiəsini gücləndirəcəklər
Haiti Fransadan milyardlarla ölçülən təzminat tələb edir
Niderland Ukraynaya hərbi yardım göstərmək üçün 200 milyon avrodan çox vəsait ayıracaq
“Bloomberg”: Almaniya yeni “Patriot” batareyaları almağı düşünür
Stoltenberq: NATO-nun müdafiə nazirləri Ukraynaya daha çox hərbi dəstək verməyə razılaşıblar