Balakən, 29 sentyabr, Mustafa Dadaşov, AZƏRTAC

Gənclərin İnkişaf və Karyera Mərkəzinin (GİKM) Balakən nümayəndəliyinin əməkdaşları “Mərkəzə doğru” layihəsi çərçivəsində rayondakı 2 nömrəli peşə məktəbinin qonağı olub, şagirdlərlə görüşüblər.
Nümayəndəlikdən AZƏRTAC-ın bölgə müxbirinə bildirilib ki, görüş zamanı mərkəzin əməkdaşı Şahin Qarakişiyev tərəfindən gənclərə GİKM-nin fəaliyyət istiqamətləri, üzvlük sistemi, könüllülük, təcrübə proqramları, keçirilən təlim və layihələr, həmçinin Azərbaycan Respublikasının Gənclər Fondunun gənclər üçün yaratdığı imkanlar barədə ətraflı məlumat verilib, gənclərin maraq dairələri öyrənilib.
Daha sonra "Şuşa İli" ilə əlaqədar Vətən müharibəsinə həsr olunan intellektual yarış keçirilib. Qalib komandaya hədiyyə təqdim olunub.