Madrid, 29 sentyabr, AZƏRTAC

İspaniyada birinci yarımillikdə ümumilikdə 180 nəfər evtanaziya hüququndan istifadə edib. Onlardan 22,12 faizi orqanlarını bağışlayıb, bu da öz növbəsində 68 transplantasiyanı təmin edib.
AZƏRTAC xəbər verir ki, bu rəqəmləri İspaniya səhiyyə naziri Karolina Darias Loqronyo şəhərində keçirilən XXX Hüquq və səhiyyə məsələləri üzrə Konqresinin açılışında açıqlayıb.
Onun sözlərinə görə, ötən ildə evtanaziyanı tənzimləyən qanunun qəbul edilməsi onun fəxr etdiyi dönüş nöqtəsidir, çünki o, "insanların ömürlərinin sonunda ləyaqət və iradə azadlığına ayrılmaz hüququ"nun həyata keçirilməsi işinə töhfə verib.

Nigar Cəfərli
AZƏRTAC-ın xüsusi müxbiri
Madrid