×
A
A
A
Sazlamalar

Denis Şmıqal: Müharibə zamanı Ukraynaya dəymiş ziyan ÜDM-i 1,6 dəfə üstələyir

Kiyev, 29 sentyabr, AZƏRTAC
Rusiyanın başladığı müharibə nəticəsində Ukraynaya dəymiş ziyan artıq ölkəmizin ümumi daxili məhsulunu (ÜDM) 1,6 dəfə üstələyib.
AZƏRTAC xəbər verir ki, bu barədə Ukraynanın Baş naziri Denis Şmıqal keçirdiyi iclasda məlumat verib.
“İyun ayı üzrə itki ilə bağlı vəziyyət müəyyən edilib. Bu hesabata görə, dəymiş ziyan 350 milyard dollar təşkil edir. Təbii ki, bu məbləğ dövlətimizin ötən ilki ÜDM-dən 1,6 dəfə çoxdur”, - deyə o bildirib.
Şmıqal qeyd edib ki, ilk növbədə tez bir zamanda sosial və kritik infrastruktur, eləcə də qışa hazırlıq üçün maliyyə vəsaiti lazımdır.


Emil Hüseynli
AZƏRTAC-ın xüsusi müxbiri
Kiyev

Dünya 2022-09-29 03:20:00