×
A
A
A
Sazlamalar

İstanbul boğazında gəmilərin hərəkəti müvəqqəti dayandırılıb

İstanbul, 28 sentyabr, AZƏRTAC

İstanbul boğazında Panama bayrağı altında üzən gəminin mühərrikində yaranan nasazlıq səbəbindən gəmilərin hərəkəti müvəqqəti dayandırılıb.
AZƏRTAC xəbər verir ki, hadisə ilə bağlı Türkiyənin Sahil Təhlükəsizlik Baş İdarəsindən açıqlama verilib.
Bildirilib ki, İstanbulun Tuzla bölgəsindən Rusiyaya doğru hərəkət edən 190 metr uzunluğunda olan gəminin mühərrikində nasazlıq yaranıb. Hadisə şəhərin Üsküdar sahillərinə yaxın bölgədə meydana gəlib. “VIVA ECLIPSE“ adlı bu gəminin dayandırılması üçün bölgəyə xilasetmə gəmiləri göndərilib.
Məlumatda gəminin göyərtəsində yük olmadığı bildirilir.
Günel Məlikova
AZƏRTAC-ın xüsusi müxbiri
İstanbul

Dünya 2022-09-28 19:32:00