Bakı, 28 sentyabr, AZƏRTAC

Bakı Nəqliyyat Agentliyi tərəfindən hazırlanan “Bakıda velosiped nəqliyyatı” konseptual planına əsasən velosiped yolları və infrastrukturun yaradılması istiqamətində tədbirlər davam etdirilir.
Agentlikdən AZƏRTAC-a bildirilib ki, paytaxtın Üzeyir Hacıbəyli küçəsində velosipedlərin parklanması üçün duracaqlar təşkil olunub. Eyni zamanda, Sahil bağı ətrafında velosiped yollarının qurulması işləri də davam etdirilir. Qeyd edək ki, velosiped duracaqları şəhərin mobillik imkanlarının artırılması ilə yanaşı, həm də velosipeddən istifadəni təşviq edən vasitələrdən biridir.