×
A
A
A
Sazlamalar

Leopold və Mstislav Rostropoviçlərin ev-muzeyində “Qəhrəmanımızı tanı!” adlı tədbir təşkil olunub

Bakı, 28 sentyabr, AZƏRTAC

27 Sentyabr - Anım Günü ilə əlaqədar L.və M.Rostropoviçlərin ev-muzeyində “Qəhrəmanımızı tanı!” adlı tədbir keçirilib.
AZƏRTAC xəbər verir ki, tədbir muzeyin qarşısında Müdafiə Nazirliyinin tərkibində fəaliyyət göstərən Hərbi Hava Qüvvələri orkestrinin ifasında Dövlət Himninin və “Qələbə” marşının, həmçinin Vətən müharibəsi qazisi, muzeyin əməkdaşı, bəstəkar Vüqar Məmmədzadənin “Zəfər” marşının səsləndirilməsi ilə başlayıb.
Tədbirdə istedadlı musiqiçi, tuba ifaçısı şəhid Tamerlan Mahmudova ithaf olunan qısa film, çıxış etdiyi konsertlərdən videokadrlar nümayiş olunub. Daha sonra isə Prezident təqaüdçüsü, bəstəkar, qazi Vüqar Məmmdəzadəya həsr olunmuş “Bir addım da olsa” filmi təqdim edilib.

Mədəniyyət 2022-09-28 13:01:00