×
A
A
A
Sazlamalar

On üç nömrəli uşaq musiqi məktəbində Anım Gününə həsr olunmuş tədbir təşkil olunub

Bakı, 28 sentyabr, AZƏRTAC
Bakı Şəhər Mədəniyyət Baş İdarəsinin S.Rüstəmov adına 13 nömrəli uşaq musiqi məktəbində 27 Sentyabr - Anım Gününə həsr olunmuş tədbir keçirilib.
Baş İdarədən AZƏRTAC-a bildirilib ki, əvvəlcə Vətən müharibəsində şəhidlik zirvəsinə ucalmış qəhrəman oğullarımızın əziz xatirəsi bir dəqiqəlik sükutla yad edilib.
Tədbir zamanı qeyd edilib ki, Azərbaycanın ərazi bütövlüyü uğrunda canından keçmiş şəhidlərimizin xatirəsini və adını uca tutmaq, onların yaxınlarına, doğmalarına, ailə üzvlərinə diqqət və qayğı göstərmək bizim hər birimizin vətəndaşlıq borcumuzdur: “Şəhidlərimizin əziz xatirəsi qəlbimizdə daim yaşayacaq”.
Sonda 44 günlük Vətən müharibəsinə həsr olunan slayd nümayiş olunub.

Mədəniyyət 2022-09-28 10:44:00