Bakı, 27 sentyabr, AZƏRTAC

2022-ci ilin 8 ayında məcburi dövlət sosial sığorta haqları üzrə daxilolmalar 2 milyard 948,6 milyon manat, işsizlikdən sığorta üzrə daxilolmalar isə 103,2 milyon manat olub.
AZƏRTAC Dövlət Vergi Xidmətinə istinadla xəbər verir ki, bu sığorta haqları üzrə daxilolmalar 2021-ci ilin 8 ayı ilə müqayisədə müvafiq olaraq 454,2 milyon manat (18,2 faiz) və 17,4 milyon manat (20,3 faiz) artıb.
Cari ilin yanvar-avqust aylarında icbari tibbi sığorta haqları üzrə daxilolmalar ötən ilin 8 ayına nisbətən 41,1 faiz artaraq 524,7 milyon manat təşkil edib.