Kürdəmirdə pambıq yığımına başlanılıb
Kürdəmir, 27 sentyabr, AZƏRTAC
Kürdəmir rayonunda cari mövsümdə 2067 hektar sahədə pambıq yetişdirilib və hazırda əl ilə məhsul yığılır.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, əl ilə məhsul yığımı sürətlə davam edir. Bunun üçün hər gün sahələrə 200 nəfərədək işçi qüvvəsi çıxır. Qısa vaxtda əl ilə 50 tonadək “ağ qızıl” toplanılıb. Yığılan məhsul “Kürdəmir pambıq” Açıq Səhmdar Cəmiyyətinin rayondakı pambıq zavoduna təhvil verilib.
Qeyd edək ki, yetişdirilən məhsulun 90 faizdən çoxu pambıqyığan maşınlarla toplanacaq. Artıq rayondakı aqrolizinqdə 7 ədəd maşın saz vəziyyətə gətirilib. Bu günlərdə sahələrdə defolyasiya işləri aparılır. Yaxın vaxtlarda pambıqyığan maşınlar sahələrə çıxarılacaq.
Cari mövsümdə Kürdəmirdə bol məhsul yetişdirilib. Sahələrdən keçən ildəkindən 4-5 sentner çox məhsul yığılacağı gözlənilir.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb