Bakı, 26 sentyabr, AZƏRTAC
Bakı Dövlət Universitetində (BDU) sentyabrın 27-də BDU-nun əməkdaşları, gənc tədqiqatçıları və tələbələri üçün “ICTP-nin Təhsil və Tədqiqat Proqramları” mövzusunda mühazirə təşkil olunacaq.
Bu barədə AZƏRTAC-a BDU-dan məlumat verilib. Bildirilib ki, qeyd edilən mövzuda Abdus Salam adına Beynəlxalq Nəzəri Fizika Mərkəzinin (The Abdus Salam International Centre for Theoretical Physics (ICTP), Italy) tədqiqatçı alimi, professor Mikhail Kiselev mühazirə oxuyacaq.