Türkiyədə keçirilən seminarda Təhsildə Keyfiyyət Təminatı Agentliyinin fəaliyyəti barədə təqdimat edilib
Bakı, 26 sentyabr, AZƏRTAC
Təhsildə Keyfiyyət Təminatı Agentliyinin (TKTA) nümayəndə heyəti Türkiyənin İstanbul şəhərində Mərkəzi və Şərqi Avropa Ölkələrinin Keyfiyyət Təminatı Agentlikləri Şəbəkəsinin (CEENQA) təşkilatçılığı, üzv təşkilatların nümayəndələri ilə “Keyfiyyət təminatı agentliklərinin müstəqilliyi” mövzusuna həsr olunmuş seminarda iştirak edib.
Agentlikdən AZƏRTAC-a bildirilib ki, seminarda TKTA-nı İdarə Heyətinin sədri Ülkər Səttarova və Akkreditasiya və lisenziya şöbəsinin böyük məsləhətçisi Zeynəb Hüseynova təmsil ediblər. Ülkər Səttarova agentliyin fəaliyyətinə dair geniş təqdimatla çıxış edərək iştirakçıların suallarını cavablandırıb.
Ənənəvi formatda iki gün müddətində keçirilən seminarda Avropa Keyfiyyət Təminatı Assosiasiyası (ENQA) prezidentinin, Avropa Universitetlər Assosiasiyasının nümayəndəsi və CEENQA və üzv təşkilatların rəhbərlərinin çıxışları təqdim olunub.
Qeyd edək ki, TKTA-nın nümayəndə heyəti seminardan faydalı məlumatlar əldə etməklə yanaşı, Avropa ölkələrinin təcrübəsi ilə yaxından tanış olublar.
Azərbaycan və Britaniya yaşıl enerjiyə keçidi reallaşdıracaq kadrları birgə hazırlayacaq
BDU tələbələri arasında “Ekologiya hüququ” mövzusunda məqalə müsabiqəsi elan edilir
Məktəblilər uşaq yazıçısı Vüqar Haqverdiyevlə görüşüblər
Bərdə, Ağcabədi, Ağdam və Tərtər rayonlarında dövlət qulluqçuları üçün təlimlər keçirilib
Tarix Muzeyində tədbir: Molla Nəsrəddin güldürür və düşündürür