Bakı, 26 sentyabr, AZƏRTAC

Bu il sentyabr ayının üçüncü ongünlüyündə Bakıda və Abşeron yarımadasında ən yüksək temperatur sentyabrın 23-də qeydə alınıb. Həmin gün 37 dərəcəyədək isti müşahidə olunub ki, bu da iqlim normasından 6 dərəcə yüksəkdir.
Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova AZƏRTAC-a bildirib ki, çoxillik meteoroloji məlumatlara əsasən indiyədək Bakıda və Abşeron yarımadasında sentyabr ayının sonunda belə yüksək temperatur qeydə alınmayıb.
G.Məmmədovanın sözlərinə görə, bununla da 2012-ci ilin sutkalıq rekord göstəricisi - 29,6 dərəcə - yenilənib.