Bakı, 26 sentyabr, AZƏRTAC

Əmlak Məsələləri Dövlət Xidməti cari ilin yanvar-avqust ayları ərzində 45 hərrac keçirib.
Xidmətdən AZƏRTAC-a bildirilib ki, hərraclarda 14 səhmdar cəmiyyətin səhm paketi, 11 kiçik dövlət müəssisəsi və obyekti, 2 yarımçıq tikili, 375 nəqliyyat vasitəsi özəlləşdirilib. Hərraca çıxarılmış dövlət əmlakı üzrə 270 elektron sifariş qəbul edilib, hərraclarda iştirak etmək məqsədilə “Elektron hərrac” proqram təminatı vasitəsilə 69 onlayn qoşulma reallaşıb.
Səkkiz ayda hərrac yolu ilə 23 faydalı qazıntı yatağı istismara verilib.
Qeyd edilən dövr ərzində özəlləşdirmədən dövlət büdcəsinə 38,2 milyon manata yaxın vəsait daxil olub.