Ağstafa, 26 sentyabr, R.Novruzoğlu, AZƏRTAC

Ağstafada ağır yol-nəqliyyat hadisəsi baş verib, 17 nəfər yaralanıb. Hadisə Bakı-Qazax avtomobil yolunun rayon ərazisindən keçən hissəsində, Qırılı kəndində qeydə alınıb.
AZƏRTAC xəbər verir ki, magistral yolda hərəkətdə olan sərnişin mikroavtobusu ilə yük maşınının toqquşması nəticəsində 2-si uşaq olmaqla, 17 nəfər xəsarət alıb. Onlar xəstəxanaya yerləşdiriliblər.
Üç nəfərin vəziyyəti ağır, 6 nəfərin vəziyyəti orta ağırdır, digər xəsarət alanlar isə ambulator yardım göstərilərək evə buraxılıblar.
Faktla bağlı araşdırma aparılır.