İntellektual oyunun qalibi “Zəfər” komandası olub
Şahbuz, 26 sentyabr, AZƏRTAC
Muxtar respublikanın Şahbuz rayonunun ümumtəhsil məktəblərinin şagirdləri arasında “Zəfər yolu - 44” devizi altında “Nə? Harada? Nə zaman?” intellektual oyunu keçirilib.
AZƏRTAC-ın Naxçıvan bürosu xəbər verir ki, əvvəlcə şəhidlərimizin əziz xatirəsi bir dəqiqəlik sükutla yad edilib. Şahbuz şəhər 1 nömrəli tam orta məktəbdə keçirilən intellektual oyunda 25 şagird iştirak edib. Yekun nəticəyə əsasən, 15 xalla “Zəfər” komandası rəqiblərini üstələyərək qalib adını qazanıb. “Dəmir yumruq” komandası 14 xalla 2-ci yerin, “Şuşa” komandası isə 11 xalla 3-cü yerin sahibi olub.
Şahbuz Rayon Gənclər və İdman İdarəsi, Təhsil Şöbəsi və “Gənclərin İntellektual İnkişaf Mərkəzi” İctimai Birliyinin birgə təşkilatçılığı ilə keçirilən oyunun qalib komandalarına və komanda üzvlərinə diplomları təqdim edilib.
Qubada III Aqrobiznesin İnkişafı Forumu keçirilir - YENİLƏNİB
Füzulidə daha 35 ailəyə mənzillərinin açarları təqdim olunub - YENİLƏNİB
Oğuz sakinlərindən nəcib təşəbbüs - yanmış meşə sahələri bərpa edilir FOTO
“Şahin” hərbi-idman oyununun Şəki rayon turunda 11 komanda mübarizə aparıb
Bərdədə “Peşə təhsili və özəl dövlət əməkdaşlığı” mövzusunda regional forum keçirilir