Bakı, 26 sentyabr, AZƏRTAC

Azərbaycan Dövlət Neft və Sənaye Universitetinin (ADNSU) Azİİ e-Kitab Evində görkəmli şair, ictimai xadim Əhməd Cavadın 130 illiyinə həsr edilmiş sərgi təşkil olunub.
Bu barədə AZƏRTAC-a ADNSU-dan məlumat verilib.
Prezident İlham Əliyevin “Əhməd Cavadın 130 illik yubileyinin qeyd edilməsi haqqında” Sərəncamından irəli gələn vəzifələrin icrası çərçivəsində keçirilən sərgidə şairin həyat və yaradıcılığını əks etdirən nəşrlər, onun seçilmiş əsərləri, eləcə də haqqında yazılan kitablar, məqalələr yer alıb.