Odessa dron-kamikadzelərin hücumuna məruz qalıb
Kiyev, 25 sentyabr, AZƏRTAC
Sentyabrın 25-də səhər saatlarında Ukraynanın Odessa şəhəri dron-kamikadzelərin növbəti hücumuna məruz qalıb.
AZƏRTAC xəbər verir ki, bu barədə “Cənub” Operativ Komandanlığının mətbuat mərkəzi məlumat yayıb.
"Odessa yenidən düşmən PUA-ların hücumuna məruz qalıb. Şəhərin mərkəzində yerləşən inzibati binaya üç dron zərbəsi endirib. Xilasetmə əməliyyatı və yanğının söndürülməsi davam edir", - deyə məlumatda bildirilir.
Qeyd olunur ki, şəhərə dörd dronla hücum edilib. Hava hücumundan müdafiə qüvvələri bir pilotsuz uçan aparatı vurub. Əhali arasında itki və zərər çəkən yoxdur.
Emil Hüseynli
AZƏRTAC-ın xüsusi müxbiri
Kiyev
Gürcüstanda ailə quranların sayı 14,5 faiz azalıb
Gürcüstan iqlim dəyişikliyi ilə mübarizəyə 3,7 milyard lari xərcləyəcək
Nyu-York metrosunda zorakılıq halları artıb
Sorğu: Bayden Trampı 3 faiz fərqlə qabaqlayır
Çin uçuş məsafəsi iki min kilometrdən çox olan zenit raketi hazırlayıb