Bakı, 24 sentyabr, AZƏRTAC

Sumqayıt Şəhər Gənclər və İdman Baş İdarəsinin təşkilatçılığı ilə “Sumqayıt Bulvarı” ərazisində yerləşən açıq tipli idman qurğusunda “Sağlam həyat” devizi altında tədbir keçirilib.
AZƏRTAC xəbər verir ki, tədbirin keçirilməsində əsas məqsəd yeniyetmələrin və gənclərin idmana marağının artırılması, onları sağlam həyat tərzinə çağırış və asudə vaxtlarının səmərəli təşkilidir.
Tədbirdə iştirak edən idmançılar şəhər sakinlərinə taekvondo idman növünün müxtəlif texnikalarını nümayiş etdiriblər.