İranın Ukraynadakı səfirinin akkreditasiyası ləğv edilib
Kiyev, 23 sentyabr, AZƏRTAC
Ukrayna Prezidentinin Rusiya Federasiyası qoşunlarının Ukrayna ərazisində İran istehsalı olan silahlardan istifadə etməsi faktlarına reaksiya vermək üçün təxirəsalınmaz tədbirlərin görülməsi ilə bağlı mandatını yerinə yetirmək üçün sentyabrın 23-də İranın müvəqqəti işlər vəkili Ukrayna Xarici İşlər Nazirliyinə (XİN) çağırılıb.
AZƏRTAC xəbər verir ki, Ukrayna XİN-in yaydığı bəyanata görə, İran tərəfinə bildirilib ki, Rusiya qoşunları tərəfindən Ukraynanın mülki əhalisinə və Müdafiə Qüvvələrinə qarşı bundan sonra da istifadə etmək üçün Rusiyaya İran silahlarının tədarükü Ukraynanın açıq şəkildə bəyan etdiyi neytrallıq, Ukraynanın suverenliyi və ərazi bütövlüyünə hörmət mövqeyinə birbaşa ziddir. Ukraynaya qarşı müharibə aparmaq üçün Rusiyaya silah vermək Ukrayna-İran münasibətlərinə ciddi zərbə vuran qeyri-dost hərəkətdir.
Ukrayna tərəfi bu cür qeyri-dost hərəkətə cavab olaraq İranın Ukraynadakı səfirinin akkreditasiyasını ləğv etmək, həmçinin İranın Kiyevdəki səfirliyində diplomatik işçilərin sayını xeyli azaltmaq qərarına gəlib.
Emil Hüseynli
AZƏRTAC-ın xüsusi müxbiri
Kiyev
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır