Qaxda Azərbaycan Simulyasiya Akademiyası keçirilib
Bakı, 23 sentyabr, AZƏRTAC
Azərbaycan Respublikasının Gənclər Fondu, Birləşmiş Millətlər Təşkilatının Azərbaycandakı nümayəndəliyi və Azərbaycan Tələbə Gənclər Təşkilatları İttifaqının birgə təşkilatçılığı, beynəlxalq münasibətlərə, diplomatiyaya maraqlı olan 25 müxtəlif təhsil müəssisəsindən xarici və yerli tələbələrin iştirakı ilə Qaxda Azərbaycan Simulyasiya Akademiyası keçirilib.
AZƏRTAC xəbər verir ki, layihədə iştirak edən gənclərin bilik və bacarıqlarını artırmaq məqsədi ilə müxtəlif günlərdə simulyasiyalar təşkil olunub.
Layihə ərzində iştirakçılar üçün komanda quruculuğu və şəbəkələşmə oyunları, təlimlər, seminarlar və görüşlər, o cümlədən asudə vaxtın səmərəli dəyərləndirilməsi üçün tarixi səfərlər baş tutub.
Tədbirin ikinci günü Birləşmiş Millətlər Təşkilatının, üçüncü günü Qoşulmama Hərəkatının, dördüncü günü isə Dünya İqtisadi Forumunun simulyasiyaları həyata keçirilib.
Eləcə də müxtəlif ölkələrin, beynəlxalq təşkilatların və media qurumlarının nümayəndələrini təmsil edən gənclər bir araya gələrək qlobal məsələləri müzakirə ediblər.
Bakıda Qafqaz Albaniyası mövzusuna həsr olunmuş XI beynəlxalq elmi konfrans başa çatıb
FHN: “Taxta bazarı” adlanan ərazidə baş vermiş yanğın söndürülüb VİDEO
“Taxta bazarı” adlanan ərazidə baş vermiş yanğın məhdudlaşdırılıb VİDEO
“Taxta bazarı”ndakı yanğının söndürülməsinə 15 texnika və 70 nəfər cəlb olunub