×
A
A
A
Sazlamalar

“Toyota” Rusiyada avtomobil istehsalını dayandırır

Moskva, 23 sentyabr, AZƏRTAC

Yaponiyanın “Toyota” şirkəti Rusiyada avtomobil istehsalını dayandırır.
AZƏRTAC xəbər verir ki, şirkətin Sankt-Peterburqda 15 il fəaliyyət göstərmiş zavodu ehtiyat hissələrini Rusiyaya gətirə bilməməsi səbəbindən istehsalı dayandırır. Zavodun binasının satışa çıxarılacağı bildirilir.
“Kommersant” qəzeti yazır ki, Sankt-Peterburqda fəaliyyət göstərən digər “Nissan” və “Hyundai” zavodlarında da istehsal prosesi dayandırılıb.
İldə 100 min istehsal gücünə malik “Toyota”nın Sankt-Peterburq zavodunda “Camry” və “RAV4” modelləri buraxılırdı.
Fəridə Abdullayeva
AZƏRTAC-ın xüsusi müxbiri
Moskva

Dünya 2022-09-23 18:34:00