Bakı, 23 sentyabr, AZƏRTAC
“Əjdahanın evi” serialı 29 milyon tamaşaçı ilə yeni rekorda imza atıb.
AZƏRTAC xəbər verir ki, bütün zamanların ən çox izlənilən və populyar istehsallarından olan “Taxt-Tac oyunları”nın əvvəlindən bəhs edən “Əjdahanın evi” serialı artıq 3 faiz daha çox tamaşaçı toplayıb.
Serialın ilk seriyasını bütün platformalarda təqribən 10 milyon tamaşaçı izləyib. İkinci hissəni izləyənlərin sayı isə 10,2 milyon nəfər təşkil edib. On milyon baxışla serial HBO-nun indiyə qədərki ən böyük premyerası olub.