Zaqatala sakinlərinin qaz təsərrüfatına dair müraciətləri qeydə alınıb
Bakı, 22 sentyabr, AZƏRTAC
Zaqatalada keçirilən “Azəriqaz” İB-nin “Açıq mikrofon” aksiyasında qarşılaşdığınız problemləri və müraciətlərinizi dinləməyə hazırıq. Sizi maraqlandıran suallarınızı və təkliflərinizi səsləndirə bilərsiniz.
İB-dən AZƏRTAC-a bildirilib ki, bu sözləri Zaqatala Regional qaz istismarı İdarəsinin rəisi Sübhi Bayramov abonentlər qarşısında çıxışı zamanı deyib.
Aksiyada ümumilikdə 15 müraciət qeydə alınıb. Bunlardan 13-ü rayonun Muğanlı, Üçüncü Tala, Dağlı, Çobankol, Qımır, Gözbarax, Suvagil, Faldarlı, Uzunqazmalar, Mamrux kəndləri və Şimal-qərb massivinin qazlaşdırılması mövzusunu əhatə edib. Qalan 2 müraciətdən biri Yuxarı Tala sakini tərəfindən ünvanlanıb ki, bu da fərdi yaşayış evinə sonradan ödənişli (mexaniki tipli) qaz sayğacının öncədən ödənişli (smart-kart tipli) qaz sayğacı ilə əvəz edilməsindən ibarət olub.
Hər bir müraciət Birliyin Zaqatala Regional Qaz İstismarı İdarəsinin rəhbərliyi tərəfindən cavablandırılıb. Bəzi müraciətlərin araşdırılmasına dair tapşırıq verilib.
Salyan sakinindən külli miqdarda heroin götürülüb
Dövlət Su Ehtiyatları Agentliyinin sədri Gəncə şəhərində vətəndaşlarla görüşüb
Naxçıvandan olan şəhid ailələrinin üzvləri Şuşada
Sumqayıt Kimya Sənaye Parkında ağacəkmə aksiyası keçirilib
Qubada III Aqrobiznesin İnkişafı Forumu keçirilir - YENİLƏNİB