Şimali Koreya Rusiyaya silah göndərməsi barədə iddiaları rədd edib
Pekin, 22 sentyabr, AZƏRTAC
Koreya Xalq Demokratik Respublikası (KXDR) Rusiyaya silah və hərbi sursat göndərməsi barədə iddiaları rədd edib.
AZƏRTAC xəbər verir ki, rəsmi Koreya Mərkəzi Xəbər Agentliyi (KCNA) ölkənin Milli Müdafiə Nazirliyinə istinadla bu barədə məlumat yayıb.
Agentlik bu iddiaları ABŞ-ın rəsmi Pxenyanın imicini ləkələmək cəhdi kimi dəyərləndirib və Vaşinqtona “ağzını bağlı saxla” xəbərdarlığı edib.
“Biz heç vaxt Rusiyaya silah və hərbi sursat ixrac etməmişik və belə bir planımız yoxdur”, – deyə Şimali Koreyanın Milli Müdafiə Nazirliyinin təchizat idarəsinin rəis müavini agentliyə açıqlama verib.
Qeyd edək ki, bir müddət əvvəl bəzi media orqanları Ukrayna müharibəsi ilə əlaqədar silah çatışmazlığı yaşayan Rusiyanın Şimali Koreyadan silah və sursat aldığını iddia edən xəbərlər yaymışdı. Sentyabrın əvvəlində isə ABŞ Dövlət Departamentinin mətbuat katibi Rusiyanın Şimali Koreyadan milyonlarla raket və mərmi almaq üçün prosesə başlamış ola biləcəyi barədə açıqlama vermişdi.
Şahin Cəfərov
AZƏRTAC-ın xüsusi müxbiri
Pekin
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır